Útbúgving:

• Skrivstovuútbúgving frá Fútaskrivstovuni í Tórshavn, 1970.

• Útbúgving sum sjúkrarøktarfrøðingur frá Sjúkrarøktarfrøðiskúla Føroya, 1989.

• Kranio-Sakral terapeut (KST) í 1992.

• Rolfs Metoda© í kropsterapi í 1995.

• ALT© andlitsmassasja í 1995.

• Góðkendur undirvísari i Kranio-Sakral terapi í 1997.

• Sálarfrøðiligt embætisprógv cand. psych. frá Københavns Universiteti í 2010.

• Tankafelt terapeut (TFT) í 2010.

• Grundútbúgving í Kliniskari Hypnoterapi í 2011.

• Autorisatión frá Dansk Psykolognævn í 2012.

• Tvey ára útbúgving í Clairvoyant Healing í 2017.

• EMDR - fyri børn og ung (traumaviðgerð) í 2017.

• EMDR - fyri vaksin (traumaviðgerð) í 2018 og 2021.

Starvsroyndir:

Havi starvast innan skrivstovuyrki frá 1970 og í Heimarøktini í Miðvági og Sandavági frá 1982. Starvast sum sjúkrarøktarfrøðingur á Landssjúkrahúsinum, Ellis- og Avlamisheiminum í Vágum og sum heimasjúkrarøktarfrøðingur í Vágum frá 1989-95. Undirvíst í Kranio-Sakral terapi og kropsterapium frá 1997 og undirvíst í sálarfrøði á Føroya Studentaskúla 2002-03. Havi havt egnu viðgerðarstovu síðani 1992 og starvast sum sjálvstøðugur sálarfrøðingur frá 2010.

Núverandi arbeiðsøki:

Virki undir sáttmála millum Heilsutrygd og felagið Føroyskir Sálarfrøðingar um fíggjarligt ískoyti til sálarviðgerð.

Veiti ókeypis sálarfrøðiliga viðgerð til persónar millum 15 og 25 ár, sum hava angist ella lætt til moderat tunglyndi og sum eru ávístir av lækna.

Veiti ókeypis sálarfrøðiliga viðgerð fyri seinárin orsakað av kynsligum ágangi í barnaárunum, sí www.amr.fo fyri nærri kunning.

Sálarlig viðgerð av børnum, ungum og vaksnum, pør og familjur. Sorgsamrøður i samband við sjúku og deyða og eisini vegleiðing og ráðgeving um reaktiónir í samband við sorg hjá børnum og ungum. Stressviðgerð og stressfyribyrging og viðgerð fyri trauma (PTSD) og avleiðing av kynsligum ágangi, tunglyndi, ótta og fobi. Vegleiðing, undirvísing og supervisión av starvsfólki í heilsu-, almanna- og skúlaverkinum. Viðgerð fyri pínu, ið t.d. kann stava frá spentum vøddum, liðum, skeivleikum í beinagrindini og høvdinum o.a. Viðgerð fyri lesitrupulleikar.

Viðgerðartilgongdir

Í teimum sálarfrøðiligum viðgerðum arbeiði eg útfrá ymiskum sálarfrøðiligum tilgongdum, sum verða tilpassaðar til tann einstaka. Oftast arbeiði eg út frá eini eklektiskari hugsan, sum inniheldur ymiskar teroretiskar hugsanir sum t.d. psykodynamiska teori, kognitiva-atferðarteori, eksistentialistisk psykoterapi v.m. Eg samanbindi tær ymisku sálarfrøðiligu tilgongdir við míni sjúkrarøktarfrøðiligu vitan umframt mína vitan inna eystlendska tilgongd um kroppin, ið inniheldur energibanar og akupunkturpunktir.

Serlig áhugamál:

Samanheingi millum tað kropsliga og tað sálarliga, har eg viðgeri eftir tørvinum hjá tí einstaka.